شوبهه‌سيز 300 ميليون ايل بوندان قاباق ايران يوخسا شهرلري يوخ ايديلر، آنجاق هردن بيليمسل و تخيلي اثرلري اوخوياندا، اؤزومله دؤشونرديم كي نئچه ميليون ايل بوندان قاباغا قاييديب و ايراني گؤرسه ايديم، ايران نه‌جور اولا بيلردي؟

اوچ يوز ميليون ايل بوندان قاباق، دونيا بير بؤيوك قاره ايدي و بوتون قورولوقلار ياپيشيق ايديلر، تقريبا ايكي يوز ميليون ايل قاباقدان بو بؤيوك قاره بؤلونمه‌يه باشلادي و بؤلمه‌لري دونيانين بوتون يؤنلرينده اوزاقلاشماغا باشلاديلار.

بو بؤيوك قاره‌نين آدين Pangaea قويموشدورلار. بو يونانجا آد « پان » آنلامي هامي و « قايا » آنلامي يئر سؤزجوكلريندن آلينميش‌دير.

بو  سؤزو آلفيرئد وئنگئر 1927-جي ايلينده بير ييغينجاقدا تانيتديريلدي. او نئچه ايل اؤنجه بير نئچه قانيت و دليل ايله اؤرنك اوچون قاره‌لرين قيراغينداكي فوْسيل‌لرين بيربيرنه اوخشاماقلاري ساندي كي قاره‌لر اسكي زامانلاردا ياپيشيشق ايديلر و بونو بير كيتابدا يازديرميشدي.

يازي‌نين آردي‌سيندا بير نئچه شعر امام خميني‌دن و اولارين چئوريلميشينه بيزه قوناق اولون.

تيراختوردان توني اوليوئيرا و جعفري گئدن‌دن سونرا ياخشي خبرلر گلميردي، آنجاق زيني‌زاده آزاراق يانداشلارين ريضايتيني ايرضا ائديب‌دير. توني گئده‌رك تيراختورون موشكوللري آرتدي و بو جعفري‌يه چوخا باخدي و اؤزونون گئتمه‌سيني تئزه سالدي. زيني‌زاده‌نين گلمه‌سي تيراختورا ايندييه قدر چوخ ياخشي اولماسادا تيراختورچولار هله‌ده بو مودوره امودلري واردير.

تيراختور بو ايلده قاباقكي ايله تاي چوخلو واختي‌ني موربي سئچمه‌سينه گئچيرددي و بو تمرين و اويونچو آلماغي گئج ائتدي، آنجاق هله‌ده تيراختورودان بو ايل بير قاهرامانليق گؤرمك اولار.

آرديني اوخو

آناج نيوزون راپوْرونا گؤره؛ بيرينجي بيرگه تلويزيون مناظره‌سي سككيز جومهور باشقانليق سئچيمين آدايلارينين آراسيندا اولان آخشام ساعات 4‌ ده بيرينجي كانال‌دان ياييملاماليناجاق‌دير و بو مناظره آخشام ساعات 9 دا دوردونجو كانالدان يئني‌دن ياييملاماليناجاق‌دير.

بو مناظره‌نين واختي 210 دقيق بللي اولسادا، ميللي مئديا باشقانين دئديگينه گؤره ائله‌بيل آدايلار 4 ساعات دانيشاجاقلار.

بو مناظره همان واختدا سراسري ايران راديوسوندان‌دا ياييلاجاق‌دير و آخشام ساعات 9 دا جوان راديوسوندان يئني‌دن ياييلاجاق‌دير.

ميللي مئديانين دئديكلرينه باخاراق، بيرينجي آدايلارين تلويزيون مناظره‌لري كي ايقتيصاد قونو سوندا كئچيريله‌جك‌دير، مرتضي حيدري "پايش" وئرليشين آپاريجي‌سي اولاجاق‌دير.

تسنيم‌ين راپوْرونا گؤره، ايكينجي تلويزيون مناظره‌سي، اون بيرينجي جومهور باشقانليق سئچيمين آدايلارين آراسيندا اود گونو (چارشنبه) 15 قيزاران بيرينجي كانالدان ياييملاماليناجاق‌دير.

قايناق: anaj.ir

باسين كلوبونون پارتيا راپوْرجو راپورونا گؤره، 3 قيزاران‌دا جومهور باشقانليق آدايلار نوماينده‌لرينين يانيندا كئچيريلن بير چكليش تؤرنينده، آدايلار تبليغات وئرليشلر جدولي "تلويزيون مناظره‌سيني"ده ايچينه آلان بيليندي.

بونا باخاراق، بو آيني گون (جمعه گونو) 10 قيزاران، بيرينجي بيرگه تلويزيون مناظره‌سي سككيز جومهور باشقانليق سئچيمين آدايلارينين آراسيندا اولان آخشام ساعات 4 ده بيرينجي كانال‌دان ياييملاماليناجاق‌دير. 

بو تلويزيون مناظره‌سي همان آيني گون 10 قيزاران آخشام ساعات 9 دا دوردونجو كانالدان يئني‌دن ياييملاماليناجاق‌دير.

آمما ايكينجي تلويزيون مناظره‌سي، اون بيرينجي جومهور باشقانليق سئچيمين آدايلارين آراسيندا اود گونو (چارشنبه) بيرينجي كانالدان ياييملاماليناجاق‌دير.

بو تلويزيون مناظره‌سي همان اود گونو 10 قيزاران آخشام ساعات 9 دا دوردونجو كانالدان يئني‌دن ياييملاماليناجاق‌دير.

اوچونجو و سونونجوآدايلارين تلويزيون مناظره‌سي آيني گون 17 قيزاران، بئش گون سئچيم كئچيريلندن قاباق آخشام ساعات 4 ده بيرينجي كانالدان ياييملاماليناجاق‌دير.

يئني‌دن بو مناظره همان آيني گون 17 قيزاران دوردونجو كانالدان ياييملاماليناجاق‌دير.

قايناق: yjc.ir

اون سؤز:

بوندان بئله باشقا سايتلار، وئبلاقلار و بئلنچي ديجيتال ايشلر بو دامغادا اونا ياپيشيديريلميش يازي‌لاردا آچيقلانديريلاجاق‌دير و يالنيز اولاري الشديرمه و نقد ائتمه اوچون‌دور. نييه كي الشديرمه‌سيز ايش سونوجسوز اولاجاق‌دير. آرتيرمالييام بو الشديرمه يالنيز بو يازيچي‌نين باخيشيندان‌دير و يالنيشليغي اولسا منه خبر وئرمگينيز آلقيشلانير.

سينيق راديو:

بو ايتئرنئتده توركجه پادكست ياراديب يايان بير وئبلاق‌دير. سينيق راديو ايشيني خزل 1391 دن باشلادي و آيني گؤنلر (جومعه گونلري) ساعات 7ده اؤز يئني وئرليشلرين فئيس‌بوك صحيفه‌لرينده يايماغا باشلاديلار. ايندييه قدر ده اوتوردان آرتيق وئرليشي اولوبدور. اولجه ياخشيليق‌لاردان باشلاياق كي دئمه‌سينلر بيري‌ده بير كولتورل ايش باشلاسا سيز قويمادينيز. اولجه بوتون سينيق راديودا چاليشانلار و سينيق راديوچولاري آلقيشلاييب و الله‌دان اولارا ياخشيليق ايسته‌ييرم. بورداكي يازيلانلار منجه‌ديرلر و يالنيشليق اولسا باخيشلارينيزين گؤنديريلمه‌سي آلقيشلانير. بيرده كي بولار يالنيز اؤنملي ياخشيليق و يالنيشليقلارديرلار و كيچيكلري يازمادان اوزاق گزديم، نييه كي مقاله اوزون اولوب و داها هر ياييني الشديرمه‌يه واختيم اولسادا يازماغينا يوخدور.

ياخشيليقلاري:

1-ايلك و تك توركجه پادكست

سينيق راديو ايلك و اينديليكده تك بئلنچي بير ايش گؤرمه‌گي باشلاييب و داوامي‌دا ان‌شاءالله اولاجاق‌دير. ايل‌لر بويو بو ايشين يئري توركجه‌ميزده بوش ايدي و اونو باشلاماق اولجه چوخ چتين‌دير. نييه كي تجروبه يوخدور و خالقين اوندان ايستيقبال ائديب-ائتمه‌مسي بيلينمير و بو ايشين سونوجون داها ايتيرير.

توركجه‌نين، اينجه حالدا آذربايجان توركجه‌سينين، اؤنملي يازيلاري 14-جو ميلادي قرنه قاييدير و بو يازيلار عرب كؤكلو تورك اليفباسي ايله يازيليبلار. ايندييه قدر آلتي يوز ايل‌دن آرتيق بو ديل بو اليفبا ايله يازيليب‌دير. دده قورقود، دلي دومرول و چوخلو بئلنچي سؤيلنجه و افسانه‌لر، قرآن كريم چئويرمه‌لري، برهان الدين، حقيقي (جهانشاهين تخلصي)، حبيبي ديوانلاري 14-جي ميلادي قرن‌دن قاباق و عمادالدين نسيمي 14 و 15-جي ميلادي قرنلرينين ان بؤيوك توركجه شاعيري، قاسم الانوار، فضولي و خطائي (بيرينجي شاه اسماعيل‌ين تخلصي) جنابلاري‌دا توركجه‌نين شاعيرلري ايديلر كي عرب اليفبا ايله يازميشديرلار.

دده قورقود سؤيلنجه‌سي‌ده هم عوثمان توركجه‌سي و هم آذربايجان توركجه‌سينده عرب كؤكلو اليفبا ايله يازيلميش‌دير. 

لاتين و سيريليك اليفبا يالنيز يوز ايلدي اؤز يئريني تورك ديللرينده تابيبلار. آيري باخيشدان 19-جو ميلادي قرنه قدر بو ديل يالنيز عرب اليفبا ايله يازيليردي. حيدر بابايا سلام، شهريارين لاپ اؤنملي يازي‌سيدا بو اليفبا ايله يازيليب‌دير. ايندي ايران‌دا آذربايجان توركجه‌سيندن سونرا قشقايي، خوراسان و توركمن توركلري‌ده بو اليفبا ايله يازيليب، يازيلير و يازيلاجاق‌دير.

ايندي نييه بير نئچه آداملار يالنيز لاتين اليفباني دوزگون گؤروب و عرب اليفباني يالنيش گؤرورلر هله‌ليكده بيزيم قونوموز دئييل و ان‌شاءالله گله‌جكده بونا گؤره چوخلو يازيلاريميز اولاجاق‌دير، آنجاق بونو دئييريك كي عرب اليفبانين ايزلنمي‌سي لاتين اليفباسي ايله دوزگون اولسادا لاتين اليفبانين ايزلنمه‌سي عرب اليفبا ايله داها آرتيق‌دير. اؤز وارليغيميزي اونودماييب و دوزگون باخاق نييه كي هر ايكي اليفبانين اؤزلليكلري وار و اؤز يئرلرينده سايين‌ديرلار، آنجاق بير اليفباني كاميل گؤرمك ياخشي دئييل.

قرآن كريمين ترجومه‌سي باشقا ديل‌لره ايكي قانيت و دليله گؤره اولدو. بيري ايچري‌دن ايدي كي قرآن عرب اولمايانلارا تانيتديرما اوجون اصلي قايناق ساييليردي و عرب موسلمانلار عرب اولمايانلارلا ايلگي قوراركن، قرآن چئويرمه‌سيندن‌ده سؤز وار ايدي. ايكينجي‌سي ده ائشيكدن ايدي كي غرب و مسحيت دونياسي قرآن ايله قارشي اولماغا گؤره اونو تانيماق ايسته‌ييب و اونون چئويرمه‌سينه باشلاديلار.

قرآن ترجومه‌لرينين ايچينده توركجه ترجومه‌لري سايي و نئجه‌ليك باخيملاريندان ان اؤنملي ترجومه‌لردن ساييلير. نييه كي بو ديل ايسلامين اوچ ديلين‌دن بيري ساييلير. نئجه كي عثمان طه، قرآن‌نين آدليم يازارلاريندان دئيير، « لفظ، عرب لفظي‌دير، فارس لفظي شكر‌دير . تورك لفظي هنر و صنعت‌دير. » [1] تورك ديل‌لري چين‌ين دوغوسوندان بالكانا قدر چكيليب‌دير كه آذربايجان، آنادولو، تاتار، توركمن، اؤزبك، قيرقيز، قازاق و اويغور توركجه‌لرين اؤز ايچينه آلير. قرآن‌نين توركجه ترجومه‌سي 5-جي قمري قرن‌دن باشلانسادا، لاپ اسكي ترجومه‌لردن بيري اويغور اليفباسي ايله يازديريلان محمدبن‌حمزه اليله‌دير. آنجاق چوخلو توركجه ترجومه‌لر آذربايجان و آنادولو توركجه‌لرينه‌دير. ان اؤنملي آذربايجان توركجه‌سينه اولان ترجومه‌لردن، آغ قويونلو اوزون حسن بويوردوغو ايله 9-جو قمري قرن‌ده ترجومه اولموش‌دور كي ايندي آستان قدس رضوي‌نين كيتابخاناسيندا ساخلانير. 

اوچ هفته‌دن آز جومهور باشقاني سئچيمي‌نه قالير. سئچيمه ياخينلاشاراق ديل‌لرده گزن دانيشيق‌لار و شايعه‌لر چوخالير. اولاردان بيري كه بو قونونو گوجلو تاثير آلتينا آپارا بيلر، اؤندر و رهبرين بير آداي و كانديدانين آرخاسيندا دورما يوخسا اونون رأي‌ين بيلمك‌دير. حضرت آيت‌الله خامنه‌اي سئچيم اولاركن بو سؤزلري دانيب و تكذيب ائديب‌دير و اؤز باخيشلاريني آيدين شكيلده بويوروبدو. سونونجو دؤنه‌ده ۱۳۹۲-جي ايلين باشلانيشيندا رضوي حرمينده بو سؤزلره گؤره دانيشاراق، بئله بويوروبلار كي:

« دؤنرين، يالنيز بير رأي‌ي واردير. من بير حقير بنده باشقا آداملارا تاي، بير رأي‌يم واردير ؛ بو رأي‌يده صانديقا سالماميش هئچ كيم اوندان خبري اولماياجاق‌دير. اولاركي او صانديق باشيندا اولانلار، سونرا صانديقي آچيب و بو حقيرين خطّيني تانييالار، بيله‌لر كي من كيمه رأي سالميشام ؛ آنجاق رأي سالماق‌دان قاباق، كيمسه بيلميه‌جك. اوجور دئييل كي بير كيمسه گليب دئسين كي اؤندرين نظري اونادير، بونا دئييل. بو سؤز دئييلسه، دوز سؤز دئييل. »    ۱ آغلار گولر ۱۳۹۲

قايناق: khamenei.ir