محمد حسين بهجت تبريزي، شهريار، ايران‌ين ميللي توركجه فارسجا شاعيرينين ايل دؤنومونه گؤره و اونون اؤلوم گونون نه آدلانديرماسينا گؤره بو يازيني سيزلره ايتحاف ائديريك.

شهريار 27 زومار 1367 اؤلوم گونو، 1381-جي ايلينده ايران ميللي شورا مجليسينده بير آذربايجانلي نوماينده طرفيندن اؤنر وئريليب و فرهنگي عالي شوراسيندا تصويب اولودو. او اوستادي عزيزلمه و ايران ميللتينين آراسيندا بيرليك و يولداشليق آرتيرما اوچون "ايران ميللي شعر و ادب گونو" آدلانديريلدي.

شهريار بير باخيشدان "علي اي هماي رحمت" شاعيري و بير باخيشدان "حيدربابايه سلام" شاعيري‌دير. ايران كي نئجه ديللي بير اؤلكه‌دير و اونون ايكي اؤنملي ديلي فارس و تورك ديللري‌ديرلر و بو بؤيوك شاعير هر ايكي ديلده چاغداش شاعيرلر آراسيندا پارلاق اولدوز ايدي و  بونا گؤره بو سئچيم ياخشي بير سئچيم گؤرونوردو. شهريار ائله شاعير كي آيت الله خامنه‌اي، ايران ايسلام جومهوريتي‌نين اؤندري، اونون گؤروشونه گلميش و آيت الله مرعشي نجفي اونو يوخودا و حضرت علي (ع) محضرينده گؤرور.

بو ايشدن سونرا بير نئچه قارشي سس گلدي. قارشي سس وئرنلر كي يانليشليقلا ايرانلي اولماغي فارس اولماقلا دگيشيك توتوبلار و لعنتليك رضاخان و فروغي يولونا گئديرلر بونو قبول ائتمه‌ييب و حتي شهريارا توهين‌ده ائتديلر.

شهريارين سوچو توركجه قوشوغو، حيدربابايه سلام، ايله دونيادا آدليم اولما و 90 ديلدن آرتيغا چئوريلمك‌دير و بو پانفارسلارا آغير گلير. بهاء‌الدين خرمشاهي ديير: "بو سئچمك پانتورك حركتلره قوتولا بيليب و ميللي مسأله‌لره قارشي اولا بيلر."!!!

آنجاق بو ايشله ياناشي اولانلاردا وار ايدي. بو اوزدن  رضا انزالي‌نژاد ديير كي: "اولار كي توركجه شاعيري اولو شاعير اولماغيني گؤره بيلميرلر، تعصب ايله‌ديرلر".

"ايران ميللي شعر و ادبيات گونو"، يالنيز بر ايل بو آددا قالماقدان سونرا، "فارسجا شعر و ادبيات گونو"نه چئوريليب و بئله سانيلير كي فارس اولمايانلار ايرانلي دئييل‌لر. 

نييه گرك ميللي مئديادا شهريارين فارسجا شعرلرين‌دن دانيشيق آپاريلا و اونون 90 ديله چئوريلميش شعريندن سؤز آرايا گلمه‌يه!!!

اتك يازي: بو يازي‌نين فارسجاسيني بوردان اوخويا بيلرسينيز. دئمه‌لي بو يازي عينا گؤتورولمه‌ييب و دگيشديليب‌دير.