تيراختوردان توني اوليوئيرا و جعفري گئدن‌دن سونرا ياخشي خبرلر گلميردي، آنجاق زيني‌زاده آزاراق يانداشلارين ريضايتيني ايرضا ائديب‌دير. توني گئده‌رك تيراختورون موشكوللري آرتدي و بو جعفري‌يه چوخا باخدي و اؤزونون گئتمه‌سيني تئزه سالدي. زيني‌زاده‌نين گلمه‌سي تيراختورا ايندييه قدر چوخ ياخشي اولماسادا تيراختورچولار هله‌ده بو مودوره امودلري واردير.

تيراختور بو ايلده قاباقكي ايله تاي چوخلو واختي‌ني موربي سئچمه‌سينه گئچيرددي و بو تمرين و اويونچو آلماغي گئج ائتدي، آنجاق هله‌ده تيراختورودان بو ايل بير قاهرامانليق گؤرمك اولار.

باش موربي: مجيد جلالي

توني گئدن‌دن سونرا دا ياخشي خبرلر يوخ ايدي و سؤز ابراهيم‌زاده‌دن وار ايدي، انجاق سون‌دا مجيد جلالي بير تيراختورا گلدي. سس وئرمه‌لرده لاپ آزي يوزده سكسن، تراختورچولارين ريضايتين گؤسترير. جلالي يالنيز تيراختورا يوخ، بوتون آذربيجانا برنامه‌سي واردير.

قاباقكي اويونچولار: مرتضي اسدي و مسعود ابراهيم‌زاده

اولجه مرتضي اسدي (تورك اوغلو) و سونرا ابراهيم‌زاده اؤز قراردادلاريني بير ايل‌ليك تيراختورا يئنيله‌ديرلر و 13-جو فصلي تيراختوردا قالمالي اولدولار. سيد مهدي سيد صالحي، جواد كاظميان و مهدي كريميان‌داندا زيني‌زاده‌نين دئديكلرينه گؤره گلن نئچه گونده بو ايش گؤروله‌جكدير. بير نئچه اويونچودان دا گئتمه آيه‌سي گلير. فروزان و دهنوي بولاردان ساييلير.

يئني اويونچولار: حامد لك و محسن دلير

حامد لك، ايران ميللي تاخيم و صبا تاخيمين قاپيچي و قوْلئري ايلك يئني اويونچو آدي ايله تيراختورا قوشولدو. بو اويونچو تيراختورون سرباز و اييرمي اوچ‌دن آز اويونچو ساييلير. محسن دلير، پوْلادين گئچنكي فصلين اويونچوسودا ايكي ايل‌ليك تيراختورون دسته بير سهميه‌سي ساييلان اويونچوسو اولدو. هله‌ليك نكونام، كرار، نقي‌زاده و كريمي‌دن‌ده آد آپاريلير، آنجاق كريمي‌نين تيراختورا گلمه‌سي اينانمالي دئييل. نييه كي هله‌ده تيراختورچولار كريمي‌نين استيل آذين اولان واختين توهين‌ين اونوتماييب‌لار. كريمي كي اوندان سونرا تبريزده اويونلارادا گلمه‌ييب نئجه تيراختورون مئيدانينا آدديم آتاجاق‌دير، هله‌ده بللي دئييل و بير يالان سؤزه بنزير.