ينيق راديو:

بو ايتئرنئتده توركجه پادكست ياراديب يايان بير وئبلاق‌دير. سينيق راديو ايشيني خزل 1391 دن باشلادي و آيني گؤنلر (جومعه گونلري) ساعات 7ده اؤز يئني وئرليشلرين فئيس‌بوك صحيفه‌لرينده يايماغا باشلاديلار. ايندييه قدر ده اوتوردان آرتيق وئرليشي اولوبدور. اولجه ياخشيليق‌لاردان باشلاياق كي دئمه‌سينلر بيري‌ده بير كولتورل ايش باشلاسا سيز قويمادينيز. اولجه بوتون سينيق راديودا چاليشانلار و سينيق راديوچولاري آلقيشلاييب و الله‌دان اولارا ياخشيليق ايسته‌ييرم. بورداكي يازيلانلار منجه‌ديرلر و يالنيشليق اولسا باخيشلارينيزين گؤنديريلمه‌سي آلقيشلانير. بيرده كي بولار يالنيز اؤنملي ياخشيليق و يالنيشليقلارديرلار و كيچيكلري يازمادان اوزاق گزديم، نييه كي مقاله اوزون اولوب و داها هر ياييني الشديرمه‌يه واختيم اولسادا يازماغينا يوخدور.

ياخشيليقلاري:

1-ايلك و تك توركجه پادكست

سينيق راديو ايلك و اينديليكده تك بئلنچي بير ايش گؤرمه‌گي باشلاييب و داوامي‌دا ان‌شاءالله اولاجاق‌دير. ايل‌لر بويو بو ايشين يئري توركجه‌ميزده بوش ايدي و اونو باشلاماق اولجه چوخ چتين‌دير. نييه كي تجروبه يوخدور و خالقين اوندان ايستيقبال ائديب-ائتمه‌مسي بيلينمير و بو ايشين سونوجون داها ايتيرير.

2- توركجه‌ني قوروما و راحات توركجه دانيشما بير يئرده

چوخلو يئرده توركجه قورونور و بيرده چتين توركجه سؤزجوكلر دئييلمير. بو بير ياخشي ايشدي و آردي‌سي لاپ ياخشي.

3- اعتيراضلاري تقريبا ياخشي گؤسترمه

توركجه‌نين قاباقيندا بير سيرا آداملارين ياخشي اولمايان حركتلرينه اعتيراضلار هم طنز باخيمدان و هم دوز اولما باخيمدان ياخشي گؤرونور، آنجاق افراط و تفريط دن گؤز اولمالي‌ييق. اؤرنك اوچون سارفلارا وئرليش چوخ يئني بير ايش ايدي و آردي‌سيدا اولا بيلر. بيرده شهرلرين آدين چئويرمه‌سي، بيزآرواددرن و آز اصلان چوخ ياخشي گؤروندو.

يالنيشليقلاري:

1-ايسلاما قارشي

بولار منجه ان‌شاءالله بيلمه‌يه-بيلمه‌يه آزاراق ايسلاما قارشي ايشلري‌ده واردير كي بولار بير ايرانلي موسلمان توركه ياخشي دئييل. اؤرنك اوچون 19-جو بؤلومونده فمئنيسمه گؤره دانيشيقلار آپاريلدي و بوردا آزاراق يولون چاشدي. بو سؤز كي آروادلارين حاقّي، كيشيلرجه بير ايرث آپارما گرك‌‌دير، يازارين نستي بو اولماسادا، آنلامي ايسلاما قارشي ساييلير.

2- فيليسطين - قاراباغ

بولاري قاتما ياخشي ايش دئييل. هر ايكي‌سيده موسلمان اؤلكه‌ديرلر و ايران ايسلام جومهوريتي و بوتون ايسلام دونياسي اونلارين ايسلام تورپاغينا قاييدماسيني ايسته‌يير و اونا گؤره چاليشير. ايران‌ين آذربايجان جومهوريتينه يارديملاري اونودولماز ايشلردن‌دير. نئچه يول ايران بير يئري آليب و آذربايجانا قايتاريب آنجاق آذربايجان اؤزو اونو ائرمنيستان قاباغيندا ساخلايانماييب‌دير. بو سؤزلري ان‌شاءالله گله‌جكده آرتيقراق آچيقلانديرماسينا چاليشاجاغام.  اؤرنك اوچون بير ياييندا ايسرائيل يازيچي‌دان آد آپاريلير و فيليسطينلي‌لره قارشي يالنيز بير جومله دئييلير، بو بير موسلمان توركون شأنينده دئييل و يولو چاشماغي گؤسترير.

3-آذربايجان و توركيه جومهوريتي‌لرينه گؤزو باغلي يانداشليق

دوزدور توركجه، توركجه‌دير، آنادولو، آذربايجان، خوراسان، توركن اولور يوخسا، اويغور، اؤزبك و قيرقيز هئچ فرقلري يوخدور. آنجاق نييه گرك بيزيم اؤز ايران‌يميزدا، آذربايجان‌يميزدا اولان تانيش سؤزلري بوراخيب و باشقا سؤزلري دئييريك! اؤرنك اوچون بيزجه ائشيدنلر بير تانيش سؤزجوكدور و دينله‌يه‌جي يئرسيزدير. هئچ اولماسا ايشلتمه‌سي گرك‌دير آزاراق اولا. بئله اولسا لاتين توركجه‌ده ديگر، خئيلي،  كارتوف و چوخلو سؤز دئييب يازيرلار كي فارسجا و روسجادان آلينميش‌دير و بو حالداكي اولارين توركجه قارشيلاري: آيري و باشقا، چوخ، يئرآلما ايران توركلرينين آراسيندا يازيب اوخونور. اوندا بيز گرك بولاريدا دييه‌ك مي؟!!!

ان‌شاءالله بو يولداشلار منيم دئديكلرمي بير بالاجا قارداشين سؤزلري بيليب و اونا ديققت گؤسترسينلر.