+0 بَينديم

هندسه و ساييش بيليم اصطلاح لاري

توركجه‌ميزي يالنيز ادب و ديل ساحه‌سينده يوخ باشقا ساحه‌لرده، اؤزلليكله بيليمسل ساحه‌لرده ايشلتمه‌لي‌ييك. هندسه و حساب قونولاري لاپ اؤنملي و ايلك بيليمسل ساحه‌لردن ساييلير. ياخشي‌دير گؤنده‌ليك ايشلريميزده توركجه هندسه و حساب ايصطلاح لاريني ايشله‌ديب و باشقالاريني‌دا اؤيره‌نيب، اؤيره‌دك و اونون آرتيق ياييلماسيندا چاليشاق.

علم حساب : ساييش بيليم

منها (-) : چيخي

جمع (+) : آرتي

ضرب (×) : چارپي

تقسيم (÷) : بؤلو

مساوي (=) : ائشيت

نامساوي(≠) : قارشي

منفي(-): اكسي/ اؤرنك 50-

خط (__): جيزيق، چيزگي(جيزگي)

مثلث : اوچ گئن، اوچ قول

گوشه : بوجاق

مربع : مربع(موربع)، دؤرد گئن

مستطيل : مستطيل (موستطيل)، جوت قول دؤردگئن، اوزون دورد قول

زاويه : آچي

دايره : دايره، يووارلاق، قوشاق

بيضي : ياستي قوشاق، ياستي دايره

سايي‌لار:

بير + ينجي = بيرينجي

ايكي + ينجي = ايكينجي (بير "اي" يازيلماييب اوخونماياجاق‌دير)

اوچ + ونجو = اوچونجو

دؤرد + ونجو = دؤردونجو

بئش + ينجي = بئشينجي

آلتي + ينجي = آلتينجي (همان)

يئددي + ينجي = يئددينجي (همان)

سككيز + ينجي = سككيزينجي

دوققوز + ونجو = دوققوزونجو

اون + ونجو = اونونجو

* اون‌دان آرتيق‌دا سون سؤژجوك سس قوراليني قورما اوچون اؤنملي‌دير:

اون بير مين اللي دؤرد + ونجو= اون بير مين اللي دؤردونجو

تورك ديلينده اونداليك لار، يوزده‌لر و كسرلرين اوخوما فرمتي:

1/5 = بئشده بير، بئشدن بير

10% = يوزده اون، يوزدن اون

2.4 = ايكي اوندا دؤرد

(%) = يوزده

تورك ديلينده رياضياتين 4 اصلي عملياتين آشاغيداكي كيمي دئيه بيلريك:

بئش اوسته گل اوچ اولار سككيز 8=3+5

سككيزدن چيخ اوچ قالار بئش 5=3-8

اوچو وور بئشه اولار اون بئش 15=5×3

اون بئشي بؤل اوچه اولار بئش5=3÷15

دؤرد اوچه چالي  اولار اون ايكي 12=3×4