+0 بَينديم

بؤيوك تانري‌نين آدي ايله

سلام يولداشلار و سايين ايزله‌ييجي‌لر
ايسته‌ديم بوندان بئله بير قارلارلي ايش و ائل اوچون فايدالي و يارارلي بير ايش باشلايام، اونا گؤره بوندان بئله «ايزلمه خبرليگي» داها آرتيق چاليشقان اولماياجاق و من آشاغيداكي تاساري و طرح‌ين اوستونده چاليشاجاغام.

« بؤيوك برق و مخابرات سؤزلوگو » (گئچيجي آد)

سيز سايين يولداشلار بو ايشه قاتيلماغا يوخسا بو ايشه گؤره هر نه سؤزونوز اولورسا ائديله بيلرسينيز بو يازي‌دا باخيشلارينيزي يازاسينيز. بورا قاتيلماغا چوخدا برق و مخابرات بيلگي لازيم دئييل و هرنه اليزدن گلسه بيزدن اسيرگه‌مه‌گين. گلن نئچه آيدا قايناق ييغماغا و ايشي نه جور قاباغا آپارما و بئله ايشلرله قاباغا گئتمه‌يه گئچه‌جك كي آشاغيدا گلن قونولار لاپ اؤنملي گؤرونور:

1- برق و مخابرات قونوسوندا لاتين توركجه، آنادولو توركجه و باشقا تورك ديللرينده گنل و عمومي سؤزلوكلر (مخابرات اولوب-اولماماغي اؤنملي دئييل)
2- برق و مخابرات قونوسوندا  باشقا ديللرده اولان اؤنملي سؤزلوكلر، اؤزلليكله اينگيليسجه و فارسجا سؤزلوكلر
3- فيزيك، رياضي و گنل برق و مخابرات ديللرينده توركجه كيتابلار
4- توركجه سؤزلوكلر
5- ...

لوطفا بو قونولاردا يوخسا اؤزونوز ياخشي گؤردوگونوز قونولاردا قايناق، بيلگي يوخسا باشقا يولداشلار، اؤيرنجي‌لر و اوستادلار، تورك ديل ساحه‌سينده چاليشما ايسته‌ينلري بورا گؤندرين. نييه كي بيرليك گوج دوغار. اونا گؤره منه كؤمك اولونوز و ياديم ائدينيز.

اَله گتيرديكلريمي بوردا و سونرالار بير باشقا سايتدا پايلاشما و اونو يازديريب و ياييملانماسيدا سون آماجلاردان ساييلير.

ائلچي
يئللي گون - 24 قويروق دوغان 1392

+0 بَينديم

توركجه هندسه و ساييش بيليم اصطلاح لاري

توركجه‌ميزي يالنيز ادب و ديل ساحه‌سينده يوخ باشقا ساحه‌لرده، اؤزلليكله بيليمسل ساحه‌لرده ايشلتمه‌لي‌ييك. هندسه و حساب قونولاري لاپ اؤنملي و ايلك بيليمسل ساحه‌لردن ساييلير. ياخشي‌دير گؤنده‌ليك ايشلريميزده توركجه هندسه و حساب ايصطلاح لاريني ايشله‌ديب و باشقالاريني‌دا اؤيره‌نيب، اؤيره‌دك و اونون آرتيق ياييلماسيندا چاليشاق.


آرديني اوخو

+0 بَينديم

(قيراقداكي سورغودا شيركت ائتمه‌گينيز داها ياخشي اولا بيلر)

گونلر و آيلارين تورك آدلاري آرزو وئبلاقدا + سورغو

سلام
سايين آرزوبلاقچيلار و عزيز تورك ديلداشلاريم
بير اؤرنه‌ييم وار ايدي . سيزين باخيشينيزي اونا گؤره ايسته‌ييرديم.

آرديني اوخو