باخیش
پنجشنبه 11 مهر 1392
بؤلوم | تانيتديرما یازار : ائلچي
+0 بَينديم

آية الله سيد ابولقاسم الخوئي، شيعه تقليد مرجع‌لريندن 28 قيروو 1278 خوي‌دا آنادان اولوب و 17 قويروق دوغان 1371 كوفه‌ده آللاه‌ين رحمتينه گئديب‌دير.

آية الله الخوئي‌نين توركجه اَل يازي فتواسي 


آرديسي يوخ

باخیش
یکشنبه 30 تیر 1392
بؤلوم | تانيتديرما یازار : ائلچي
+0 بَينديم

ايزلمه خبرليگي، دورنا نيوزدان آلديغي راپورا گؤره، پروفسورعلي داشقين؛ يازار،شاعير، چئويرمن، دوزلتمن، توركولوژي وديلچيليك بيليم داللاري اوزره دوكتور،تورك ديلي ادبيات اؤيرتمني ۲۲۰-دَن چوخ بيليمسل و شعر و رومان كيتابلارينين يازاري، چوخ شهرلرده اؤزلليكله اورمودا تورك ديل و ادبيات اوجاقينين تمليني قورموش…دورنانيوز رسانه سينين باشلانيشينان سايين داشقين موعلليم ايله بو ايلك دانيشيغيميز اولور او زامان كي بيز اورمودا هفته ده۲ساعات كيلاسلارا گئتمه يه واختيميز اولموردو،دوكتور منت سيز تاكسي ايله تبريزدن اورمويا قدَر گليب-گئديردي او بويوك امكلره آنجاق بويوك اينسانلار دوزه بيلرلر. دوكتورون ديش پرستيژي نه قدَر ال چاتماز اوجا اولسادا ،عكسينه ايچي او قدَرده آلچاق كونولدي او بويوك اوستادين بير كيچيك اؤيرنجيسي كيمي بونو دويموشامدا سؤيله ييرم.


آرديني اوخو

+0 بَينديم

« ارك سؤزلوگونون اؤزلليكلري، يازديريلميش، چئوريم ايچي و انديرمه دوروملاري »

شوبهه‌سيز اسماعيل جعفرزاده‌نين ايكي جيلدليك سؤزلوگو، ايراندا توركجه‌نين سؤزلوكچولوك آلانينداكي بوشلوغو اؤنملي اؤلچوده دولدوراجاق و سونراكي سؤزلوكلر اوچون دگرلي بير قايناق اولاجاقدير.

اسماعيل جعفرزاده‌نين حاضيريلاديغي، قيساجا "ارك سؤزلوگو" آدي وئريلن "آذربايجان توركجه‌سي سؤزلوگو" تبريزين احرار يايينلاري طرفيندن نشر ائديلدبدير.

ايكي جيلددن اولوشان بو اثرده، 115 ميندن چوخ توركجه آنا سؤزجوك؛ دئييم؛ يئر و شخص آدلاري، سؤزجوكلرين فارسجا و بعضاً اينگيليزجه قارشيليقلاري و بعضي كلمه‌لرين كؤكو ايله ايلگيلي مؤليفين گؤروشلري يئر آلماقدادير.

اسماعيل جعفرزاده كيتابا يازديغي گيريشده، "ديوان لغات‌الترك، سنگلاخ، صحاح‌العجم، اورخون كتيبه‌لري، سومر، دده‌قورقود، تاراما سؤزلوگو و درله‌مه سؤزلوگو"ندن يارارلانديغيني قيد ائدرك، سؤزلوكده ايشله‌ديلن يازي قوراللاري، تورك عرب اليفباسيندا حرفلرين سيرالاماسي، توركجه و يابانجي كلمه‌لرين (عرب-فارس و اورورپا ديل‌لريندن آلينميش كلمه‌لرين) يازيليشي و توركجه‌نين ديل‌بيلگيسل اؤزلليكلري ايله ايلگيلي قيسا بيلگي وئرمكده‌دير.



آرديني اوخو

+0 بَينديم

« امام خميني‌نين ديوان‌ينين توركجه‌يه چئويريلمه‌سي ياييلدي »

امام خميني‌نين شعرلري اوستاد دوكتور محمد زاده صديق‌ين (حسين دوزگون) اليله بو كيتابدا آيدين و سايخان توركجه‌يه، شعرسل و منظوم شكلينده چئويريلب‌دير. بو كيتاب امام خميني‌دن 56 دؤردلوك (روباعي)، 2 ترجيع‌بند و 49 غزل ايچينه آلير.
بو شعرلر اوستادين اليله 1368‌دن 1370 قدر چئويريليب و همان ايل‌لر بير نئچه‌سي بير سيرا قزئت‌لر و درگي‌لرده يازديريلدي كي اولاردان سهند قزئتي، اطلاعات قزئتين اكينده و امام خميني‌نين اثرلرينين سيرالاما و يايين موسيسه‌سينه باغلي قرار درگي‌سين آد آپارماق اولار. 

يازي‌نين آردي‌سيندا بير نئچه شعر امام خميني‌دن و اولارين چئوريلميشينه بيزه قوناق اولون.

آرديني اوخو

باخیش
سه شنبه 7 خرداد 1392
بؤلوم | تانيتديرما یازار : ائلچي
+0 بَينديم

قرآن كريمين ترجومه‌سي باشقا ديل‌لره ايكي قانيت و دليله گؤره اولدو. بيري ايچري‌دن ايدي كي قرآن عرب اولمايانلارا تانيتديرما اوجون اصلي قايناق ساييليردي و عرب موسلمانلار عرب اولمايانلارلا ايلگي قوراركن، قرآن چئويرمه‌سيندن‌ده سؤز وار ايدي. ايكينجي‌سي ده ائشيكدن ايدي كي غرب و مسحيت دونياسي قرآن ايله قارشي اولماغا گؤره اونو تانيماق ايسته‌ييب و اونون چئويرمه‌سينه باشلاديلار.



قرآن ترجومه‌لرينين ايچينده توركجه ترجومه‌لري سايي و نئجه‌ليك باخيملاريندان ان اؤنملي ترجومه‌لردن ساييلير. نييه كي بو ديل ايسلامين اوچ ديلين‌دن بيري ساييلير. نئجه كي عثمان طه، قرآن‌نين آدليم يازارلاريندان دئيير، « لفظ، عرب لفظي‌دير، فارس لفظي شكر‌دير . تورك لفظي هنر و صنعت‌دير. » [1] تورك ديل‌لري چين‌ين دوغوسوندان بالكانا قدر چكيليب‌دير كه آذربايجان، آنادولو، تاتار، توركمن، اؤزبك، قيرقيز، قازاق و اويغور توركجه‌لرين اؤز ايچينه آلير. قرآن‌نين توركجه ترجومه‌سي 5-جي قمري قرن‌دن باشلانسادا، لاپ اسكي ترجومه‌لردن بيري اويغور اليفباسي ايله يازديريلان محمدبن‌حمزه اليله‌دير. آنجاق چوخلو توركجه ترجومه‌لر آذربايجان و آنادولو توركجه‌لرينه‌دير. ان اؤنملي آذربايجان توركجه‌سينه اولان ترجومه‌لردن، آغ قويونلو اوزون حسن بويوردوغو ايله 9-جو قمري قرن‌ده ترجومه اولموش‌دور كي ايندي آستان قدس رضوي‌نين كيتابخاناسيندا ساخلانير. 

آرديني اوخو