ايزلمه خبرليگي راپورونا گؤره، ت.ر.ت يازديغينا گؤره ماجاريستانين باشكندي بوداپست‌ين بوگاج اوواسينداكي شن‌ليك‌لرده هون امپراتورلوغو حؤكمداري آتيلا آنيلدي.

ماجار توران وقفي طرفين‌دن تشكيل ائديلن آتا‌لاري آنما شنليكلرينه، ماجار وطنداش‌لارين يانيندا باشدا قازاقيستان و آذربايجان اولماق اوزره اورتا آسيا تورك جمهوريت‌لري‌نين بوداپستدكي ديپلوماتيك ميسيون نماينده‌لري، آكادميسين‌لر و سياستچي‌لر قاتيلدي. بوداپستين بوگاج اوواسينداكي شن‌ليكده، توركيه‌دن ده بيله‌جيك اونيورسيته‌سي رئكتورو پروفسور دكتر عزمي اؤزجان، تورك امكداش‌ليق و كوورديناسيون آژانسي باشقانليغي (تيكا) يئتكي‌لي‌سي عمر فاروق آليمجي و بعضي اونيورسيته‌لرين اؤيرتيم عضو‌لري قاتيلدي.

هون امپراتورلوغو حؤكمداري آتيلانين آنيلديغي ائتكينليكده دانيشان ماجار توران وقفي باشقاني آندراس بيرو، آتيلانين اينسان‌ليق تاريخينده بؤيوك بير شخصيت اولا‌راق آنيلديغيني، بوتون تورك‌لرين اورتاق ديري اولدوغونو، تاريخ صحيفه‌لرينده هله ده بؤيوك بير آد اولا‌راق وارليغيني داوام ائتديرديگيني سؤيله‌دي. بيرو، آتيلانين "آوروپانين قورخولو رؤياسي" اولا‌راق خاطيرلانماسي‌نين، پاپا‌ليق اوردولاريني يئنمه‌سي و بوراني وئرگييه باغلاماسين‌دان قايناقلانديغيني خاطيرلاتدي.

آتا‌لاري آنما شئليكلري، بوگاج اوواسيندا ايكي ايلده بير گلنه‌كسل اولا‌راق تشكيل ائديلير.