سلام

سايين آرزوبلاقچيلار و عزيز تورك ديلداشلاريم

بير اؤرنه‌ييم وار ايدي . سيزين باخيشينيزي اونا گؤره ايسته‌ييرديم.

ايندي توركجه آيلار و گونلرين آدي ايران توركلري اؤزلليكله آذربايجان توركلري آراسيندا آزاراق تانينير و بو "آذربايجان ايل‌ساياري"‌نا گؤره‌دير. آنجاق آيلار و گونلرين توركجه آدلارين آرتيق تانيتديرما و ايشلتمه‌ده گرك‌دير. بورا (آرزو وئبلاق) تكجه توركجه وئبلاق سئرويسي وئرن‌دير (بيليرم ياشقا سايتلاردادا چوخلو توركجه وئبلاق واردير) و اوندا توركجه سؤزجوكلرين ايشلنمه‌سي لاپ اؤنملي گؤرونور. ايسته‌ييرديم سوروشام سيزين باخيشينيز بونا گؤره نه‌دير؟ اؤرنك اوچون "آبان" يئرينه "قيروو" يوخسا "قيروو (آبان) يازيلسا چوخ ياخشي اولا بيلمزمي؟

ايندي قالدي اونون نه جور ايشلنمه‌سي. بولارين هانچي‌سيني ياخشي گؤرورموسونوز؟

1- توركجه آد 

2- فارسجا آد

3- توركجه آد (فارسجا آد)

4- فارسجا آد (توركجه آد)

اؤرنكلر:

1- قيروو - آيني  گون

2- آبان - جمعه

3- قيروو (آبان) - آيني گون (جمعه)

4- آبان (قيروو) - جمعه (آيني گون)

بيرده كي توركجه سؤزجوكلري بير نئچه قايناق ايله توتوشدوراق كي سؤز يئري قالماسين.

هامينيزا ساغليق

ائلچي